Publié par : tasekla | 2 décembre 2009

Asefru : A ZIƔ NEKK D MENWALA

A ZIƔ NEKK  D MENWALA

[=Ainsi donc, je ne suis qu’un quelconque individu pour vous]

Asefru-agi uriɣ-t di kra n teswiɛt akken anda i d-ttuqten fell-i tlufa. Akken yebɣu suɣeɣ, ur ufiɣ yiwen ɣer tama-w. Ihi, ad t-hduɣ I kra n wiggad-agi i yas-yeqqaren “nekni d imeddukal-is !”

L’apparence se meut et change
W. Shakespeare
As you want it (A. V, S. II).

Nekk  I yas-yennan zik swiɣ
A ziɣ aql-i d menwala
Sked urfan ur ṛwiɣ
Quzmeɣ-ten ulac tarewla
Nekki yenwan zik swiɣ
A ziɣ zgiɣ  d menwala
Ahat d iqqeḥ ay swiɣ
Neɣ ahat ddaw waya
Acḥal d win i nerfed
I wakken ur yettendella
Fell-as tafekka teqqed
Nekkes-as aṭṭan d tawla
S tiddi mi akken d-ibded
Yerra iman-is ur aɣ-d-iwala
Imi neḥṣa nɛemmed
Anef a nezg d menwala
Acḥal n tin i nbubb
Mi tella teɣli di lqaɛa
Ur as-neǧǧi ara ad tṣubb
Armi neẓra tettbedda
Ass-nni imi tt-nɛudd
D tameddakelt n lebda
Tettu kra i yas-nbudd
Ziɣ yur-s zgiɣ d menwala
Acḥal d wid i wumi  ur nunif
Akken ad hemlen di tẓegwa
nekkes fell-asen urrif
ass-a llan akken i asen-ihwa
a-t-nan zedɣen di liser
d awal ẓiden ɣur-sen i nerǧa
sser seg imawen nnsen yenser
a ziɣ zgiɣ d menwala
Anta tid ɣef ur netɣebbel
Ɣef ayd ur neṛwa tazzla
am akli fell-asent neqqel
aɣilif ur tent-ila
nessufeɣ-itent-id seg uxessaṛ
menɛent yis-ent ur igla
i yebɣun beddeɣ i ṣṣerṣer
a ziɣ zgiɣ d menwala
i wumi a d-tettnadiḍ fell-i
imi nekk d menwala
i wumi a d-tezziḍ ɣur-i
inaɣ nekk d menwala
i wumi a d-tqellbem fell-i
yak tennam-as d menwala
i wumi a d-testeqsimt fell-i
yak ɣur-kent d menwala
A win ḥesben d menwala
Ɣef yiman-ik i yella llem
fru deg allaɣ tilla
ur qqar awal susem
tamusni ɣur-k i tella
ttuɣaḍen ur ten-tezzem
win k-iɣedṛen s laman ur yegla
s kra i tliḍ d asirem

Lpari, tagrest 2002.


Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

Catégories

%d blogueurs aiment cette page :